Türkiyədə zirehli maşın aşıb, 10 əsgər yaralanıb

Türkiyənin Şırnak vilayətində, Şırnak-Cizre köhnə avtomobil yolunda zirehli transportyorun aşması nəticəsində 10 əsgər yaralanıb.

Qarabaginfo.az xəbər verir ki, Şırnak-Cizrə köhnə magistral yolunun Kasrik Koçbey kəndi yaxınlığında zirehli transportyor yoldan çıxaraq aşıb.

Hadisə yerinə təcili tibbi yardım, xilasetmə, yanğınsöndürən və jandarma qrupları yönəldilib. Qəza nəticəsində 10 əsgərin yaralandığı bildirilir.

Yaralı əsgərlərin həyati təhlükəsinin olmadığı bildirilir.