Bakı və Sumqayıtın bəzi ərazilərində işıq kəsiləcək

30 oktyabr saat 00:00-dan saat 03:00-dək Bakının Yasamal rayonunun bir hissəsi, Sumqayıtın 3, 7-8-12, 10, 15, 16, 21, 22, 29, 36, 39, 41a, 41, 42, 76-cı məhəllələr, 1, 2, 3, 4, 8-ci mikrorayonlar, Katec qəsəbəsi ərazilərində elektrik enerjisinin verilişində məhdudiyyət yaranacaq.

Bu barədə Qarabaginfo.az-a "Azərişıq" ASC-dən bildirilib.

Buna səbəb, Sumqayıt RETSİ-nə (Rayon Enerji Təchizatı və Satışı İdarəsi) daxil olan bəzi ərazilərdə 10/35/6 kV-luq 135 saylı yarımstansiyada həyata keçirilən profilaktik təmir işləri ilə əlaqədar oktyabrın 30-da elektrik xətlərinin sifarişə əsasən açılacağıdır.

Təmir işləri yekunlaşdıqdan sonra sözügedən ərazilər daha keyfiyyətli elektrik enerjisi ilə təmin olunacaq.