DataLife Engine > Yazdırılabilir versiyon > İsrailin Qəzzaya hava zərbələri nəticəsində 30-dan çox fələstinli həlak olub

Bu günun ilk saatlarından bəri İsrailin Qəzza zolağına endirdiyi hava zərbələri nəticəsində azı 31 nəfər ölüb.

Qarabaginfo.az xəbər verir ki, bu barədə Livanın “Al Mayadeen” telekanalı məlumat yayıb.

Məlumata əsasən hadisələr zamanı onlarla fələstinli yaralanıb və ya itkin düşüb.

Təcili yardım işçiləri və yerli sakinlər dağıntıları təmizləməyə davam edirlər.

Qəzza zolağının Səhiyyə Nazirliyinin məlumatına görə, 2023-cü ilin oktyabr ayından bəri anklavda davam edən qarşıdurmaların nəticəsində ümumilikdə 42,3 min fələstinli həlak olub, 98,7 min nəfər isə yaralanıb.