Cozef Borel Antonio Quterreşə qarşı ittihamları pisləyib

Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Cozef Borel BMT-nin Baş katibi Antonio Quterreşə qarşı ittihamları birmənalı şəkildə rədd edib.

Qarabaginfo.az xəbər verir ki, bu barədə Cozef Borel “X” platformasındakı paylaşımında bildirib.

“Ona qarşı edilən antisemitizm ittihamları böhtan xarakterlidir və hər kəsə xatırlatmaq istəyirəm ki, BMT-nin sülhməramlı missiyalarına BMT Baş Katibi deyil, BMT Təhlükəsizlik Şurası qərar verir”- deyə Borel paylaşımında bildirib.