Səfir: Aİ-nin Gürcüstanla üzvlük danışıqlarına başlaması ehtimalı azdır

Avropa Komissiyasının genişlənmə hesabatında Gürcüstanla bağlı müsbət qiymətləndirmənin olması ehtimalı azdır.

Qarabaginfo.az xəbər verir ki, bunu Avropa İttifaqının (Aİ) Gürcüstandakı səfiri Pavel Herçinski deyib.

O, Aİ-nin Gürcüstanla üzvlük danışıqlarına başlaması ehtimalının çox az olduğunu əlavə edib.

Səfir yaxın günlərdə Gürcüstandakı cari vəziyyətin 27 üzv ölkə arasında müzakirə ediləcəyini qeyd edib. Diplomat əlavə edib ki, oktyabrın 8-də Gürcüstanla bağlı parlament debatı keçiriləcək və Aİ-nin Ali Nümayəndəsi həmin debata çıxış üçün dəvət edilib.

Oktyabrın 14-də isə Aİ-nin xarci işlər nazirlərinin iclası keçiriləcək və Gürcüstan rəsmi şəkildə görüşün gündəliyinə əlavə edilib.

Parvel Herçinski Aİ-nin genişlənmə hesabatının Gürcüstandakı seçkilərdən bir neçə gün əvvəl dərc ediləcəyini bildirib.