Ər-Riyad İsrail və Fələstin arasındakı münaqişənin həlli üçün beynəlxalq koalisiya yaradıldığını açıqlayıb

Səudiyyə Ərəbistanının xarici işlər naziri şahzadə Feysəl bin Fərhan əl-Səud İsrail və Fələstin arasındakı münaqişənin həllinə kömək etmək üçün beynəlxalq koalisiya yaradıldığını açıqlayıb.

Qarabaginfo.az “Al Arabiya” telekanalına istinadən xəbər verir ki, nazir müvafiq təşəbbüsü Ərəb Dövlətləri Liqası, İslam Əməkdaşlıq Təşkilatı və Norveç nümayəndələrinin BMT Baş Assambleyası çərçivəsində keçirilən görüşündə səsləndirib.

“Ərəb və İslam ölkələri, eləcə də avropalı tərəfdaşlarımız adından beynəlxalq koalisiyanın yaradılmasını elan edirik. Sizi Səudiyyə Ərəbistanında keçiriləcək ilk görüşdə iştirak etməyə dəvət etməkdən məmnunam”, - nazir vurğulayıb.