Starmer: Livanda eskalasiya böyük regional müharibəyə gətirib çıxaracaq

Livanda münaqişənin gərginləşməsi İsrailin və “Hizbullah” hərəkatının maraqlarına uyğun deyil və gözlənilməz nəticələrlə böyük regional müharibə ehtimalını artırır.

Qarabaginfo.az xəbər verir ki, bunu Böyük Britaniyanın baş naziri Keir Starmer BMT Baş Assambleyasının 79-cu sessiyasında çıxışı zamanı deyib.

"Mən İsrail və “Hizbullah”ı zorakılığı dayandırmağa və tammiqyaslı müharibənin astanasından geri çəkilməyə çağırıram. Diplomatik həll şansı vermək üçün dərhal atəşkəs lazımdır. Biz bu məqsədə çatmaq üçün bütün tərəfdaşlarla işləyirik, çünki bundan sonra eskalasiya heç kimin marağında deyil. Bu, münaqişənin hər iki tərəfindəki insanların əzabını artırmaqdan başqa heç nəyə gətirib çıxarmır və heç kimin idarə edə bilməyəcəyi və nəticələrini heç kimin proqnozlaşdıra bilməyəcəyi daha böyük müharibə ehtimalını artırır”, - deyə o vurğulayıb

Bundan başqa, Böyük Britaniyanın baş naziri BMT Təhlükəsizlik Şurasında islahatların aparılmasının tərəfdarı olduğunu bildirib.

Onun fikrincə, bu qurum Braziliya, Almaniya, Hindistan, Yaponiya və bir Afrika ölkəsini daimi üzv kimi cəlb etməklə daha ​​çox təmsilçiliyə çevrilməlidir.