Zalujnı Kursk əməliyyatına qarşı olduğu üçün İŞDƏN ÇIXARILIB?

Ukrayna Silahlı Qüvvələrinin sabiq Baş Qərargah rəisi və ali baş komandanı, hazırda Böyük Britaniyada səfir kimi Kiyevi təmsil edən Valeri Zalujnı Rusiya ərazisində əməliyyat keçirməyə - Kursk əməliyyatına qarşı çıxıb.

 

Qarabaqinfo.az xəbər verir ki, bu barədə "Politico" yazıb.

 

Nəşrin məlumatına görə, Zalujnı ilin əvvəlində Ukrayna prezidenti Volodimir Zelenski ilk dəfə bunu təklif edəndə əməliyyatın əleyhinə çıxıb. Mənbə bildirib ki, o, bunun "qumar oyunu olduğunu" hiss edib. Zalujnı Zelenskidən sərhəd pozulduqda nə edəcəyini soruşsa da, dəqiq cavab almayıb.

 

80-ci Hava Hücum Briqadasının komandiri Emil İşkulov da Rusiya ərazisində zəiflikdən və ağır itkilərdən ehtiyat edərək əməliyyata qarşı çıxıb. Hər ikisi işdən çıxarılıb: fevralda Zalujnı, iyulda İşkulov.

 

Nəşr yazır ki, Rusiya qoşunlarının Donbasda sürətlə irəliləməsi yeni ali baş komandan Aleksandr Sırskini bəzi bölmələri Kurskdan Donbasa köçürməyə məcbur edib. Kursk bölgəsindəki döyüşçülər tədarükləri artırmaq və logistikanı gücləndirmək üçün dayanıblar ki, bu da Kursk körpüsünün saxlanması barədə qərar qəbul etməyə vadar edir.