Dövlət Departamenti: Ukraynanı elektrik enerjisinin kəsilməsi səbəbindən çətin qış gözləyir

Qarşıdan gələn qış Ukrayna üçün çətin keçəcək, çünki elektrik enerjisi kəsiləcək.

Qarabaginfo.az xəbər verir ki, bunu ABŞ dövlət katibinin enerji resursları üzrə köməkçisi Cefri Payatt bildirib.

“Bu qış həqiqətən çətin olacaq. Ukrayna indi istehsal gücünün təxminən yarısını itirib. Təkcə Birləşmiş Ştatlar enerji sektorunda təmir və yenidənqurma işlərinə 500 milyon dollardan çox vəsait ayırmağı vəd edib. Amma vəziyyətin necə inkişaf etməsindən asılı olmayaq, qış çətin keçəcək. Ümid edirik ki, Ukrayna enerji istehsalı gücünü təxminən 15 giqavata çatdıra biləcək”, - Payatt vurğulayıb.