Nigeriyada yanacaq daşıyan avtomobilin partlaması nəticəsində 48 nəfər ölüb

Nigeriyanın qərbindəki Niger əyalətində avtomobil yolunda yanacaq daşıyan maşının partlaması nəticəsində azı 48 nəfər həlak olub.

Qarabaginfo.az xəbər verir ki, bu barədə “Nation” nəşri məlumat yayıb.

Faciəli hadisə yanacaq daşıyan yük maşınının mal-qara daşıyan yük avtomobili ilə toqquşması nəticəsində baş verib.

Toqquşmadan sonra başlayan alov daha iki avtomobili əhatə edib.

Nəticədə 48 nəfər həlak olub. Bundan əlavə, ən azı 50 baş mal-qara tələf olub.