Rusiya Kursk bölgəsini müdafiə etmək üçün Afrikada olan muzdlu döyüşçülərini ora köçürür.
Qarabaginfo.az bildirir ki, bu barədə “Le Monde” qəzeti məlumat yayıb.
Məqalədə deyilir ki, Afrikanın Burkina-Faso ölkəsində yerləşən “Medvedi” Bears PMC-nin hərbçiləri Ukrayna Silahlı Qüvvələrinin hücumunu dayandırmaq üçün Kursk bölgəsinə göndəriləcək.
Nəşr öyrənib ki, bu briqadada yüzə yaxın adam var. Onlar Burkina-Fasoda bir sıra əsas siyasi fiqurların, o cümlədən, hərbi xuntanın başçısı, kapitan İbrahim Traorenin təhlükəsizliyini təmin ediblər.
İndi onlar “çantalarını yığırlar”. Ukrayna ordusunun avqustun 6-da Kursk vilayətində başlayan hücumuna qarşı Rusiyanın müdafiə səylərində iştirak etmək üçün yola düşürlər.