İsrail ordusu “Hizbullah”ın raket sistemlərinə zərbələr endirib

İsrail ordusu Livanın cənubunda “Hizbullah” hərəkatının bir neçə raket sisteminə hücum edib.

Qarabaginfo.az xəbər verir ki, bu barədə ordunun mətbuat xidməti məlumat yayıb.

“Bu yaxınlarda İsrail Hərbi Hava Qüvvələrinə məxsus qırıcı təyyarələr Livanın cənubunda İsrail üçün təhlükə yaradan bir neçə “Hizbullah” raket qurğusuna hücum edib”, - deyə məlumatda deyilir.

İsrail hərbçiləri həmçinin İsrail ərazisi istiqamətində bir neçə raket atıldığını aşkar etdiklərini açıqlayıblar. “Bir raket Miqdal Tefen bölgəsində Livanla sərhədi keçərək açıq əraziyə düşüb. Xəsarət alanlar barədə məlumat verilməyib. Protokola uyğun olaraq ərazidə sirenlər səsləndirilib. Qalan raketlər isə İsrail sərhədini keçməyib”, - deyə mətbuat xidməti qeyd edib.