Ana Sayfa > Karusel / Dünya > Pakistan ordusundan əməliyyat: 25 terrorçu öldürüldü

Pakistan ordusundan əməliyyat: 25 terrorçu öldürüldü


28-08-2024, 12:13. Yazar: Admin

Pakistan ordusu Xayber Paxtunxva əyalətinin Xayber rayonunda yerləşən Tirah vadisində antiterror əməliyyatı keçirib.

Qarabaginfo.az xəbər verir ki, bu barədə Pakistan Silahlı Qüvvələrindən məlumat verilib.

Bildirilib ki, 2024-cü il avqustun 20-dən başlayaraq Pakistan hərbçiləri ərazini ekstremistlərin mövcudluğundan təmizləmək üçün bir sıra tədbirlər həyata keçirib. Onların hədəfi qadağan olunmuş “Fitnə əl-Xəvaric” və ona bağlı olan “Ləşkəri-İslam” və “Camaat-ül-Əhrar” qrupları olub.

Əməliyyat nəticəsində 25 terrorçu məhv edilib, 11-i yaralanıb.

Pakistan ordusunun dörd hərbçisi şəhid olub.

 


Geri dön