Maştağa və Biləcəridə bıçaqlanma hadisəsi olub

Bakıda tanışlar arasında bıçaqlanma hadisəsi olub.

Qarabaginfo.az  xəbər verir ki, hadisə Maştağa qəsəbəsində qeydə alınıb.

Muradov Qurban Sultan oğlu Maştağa qəsəbəsi, döngə 3 ünvanında olan zaman tanışı Məmmədov Zöhrab Zakir oğlu ilə aralarında yaranmış mübahisə nəticəsində sonuncuya bıçaqla vurub. Muradov Qurban Sultan oğlu saxlanılaraq istintaqa təhvil verilib.

Digər bıçaqlanma hadisəsi isə Biləcəri qəsəbəsində qeydə alınıb. 1991-ci il təvəllüdlü Yevlax rayon sakini Behbudov Namiq Tanrıverdi oğlu Biləcəri qəsəbəsi, Dəyirman yolunda yerləşən "Turan” marketin yaxınlığında bir ədəd daxilə nüfuz edən bıçaq xəsarəti alaraq Kliniki Tibbi Mərkəzə yerləşdirilib. Əməliyyat-axtarış tədbirləri nəticəsində hadisə törədən şəxsin Məmmədov Rahiz Rafiq oğlu olduğu müəyyən edilərək saxlanılıb. Hər iki fakt üzrə araşdırma aparılır.