Mətbuat Şurası professor Nəsiman Yaqublunun vəfatı ilə bağlı başsağlığı verib

Jurnalistika fakültəsinin Milli mətbuat tarixi kafedrasının professoru Nəsiman Yaqublu bu gün axşam saatlarında yol qəzasında vəfat edib.

Qarabaginfo.az xəbər verir ki, Mətbuat Şurası professor Nəsiman Yaqublunun vəfatı ilə bağlı nekroloq yayıb.

Bildirilib ki, N.Yaqublu Azərbaycanda jurnalistikanın elmləşməsinə layiqli töhfələr verib. Alimin yaradıcılığında mətbuatımızın ictimai fikrin formalaşmasındakı müstəsna rolu vurğulanıb. Bütün bunların əksini tapdığı çoxsaylı kitablar və məqalələr ona nəinki elm ictimaiyyətində, bütövlükdə cəmiyyətdə rəğbət yaradıb.
Azərbaycan Mətbuat Şurasının İdarə Heyətinin üzvləri Bakı Dövlət Universitetinin Jurnalistika fakültəsinin Milli mətbuat tarixi kafedrasının professoru, dəyərli pedaqoq Nəsiman Yaqublunun vaxtsız vəfatından kədərləndiklərini bildirir, mərhumun ailə üzvlərinə, doğmalarına və əzizlərinə dərin hüznlə başsağlığı verir.

Müstəqillik illərində ölkəmizdə peşəkar jurnalist nəslinin yetişməsində xidmətlərə malik N.Yaqublunun yoxluğu onu tanıyan hər kəs üçün böyük itki və üzüntüdür. MŞ İdarə Heyətinin üzvləri bu üzüntü və kədəri bölüşür, mərhumun doğmalarına, əzizlərinə və həmkarlarına səbr diləyir.

Allah rəhmət eləsin!