Almaniya Ukraynadan olan qaçqınları işləməyə çağırır

Almaniyanın vitse-kansleri, İqtisadiyyat və İqlim Mühafizəsi naziri Robert Habek bildirib ki, Ukraynadan Almaniyaya gələn qaçqınlar işləməlidir.

Qarabaginfo.az xəbər verir ki, o, bu barədə “Welt” telekanalına müsahibəsi zamanı danışıb.

Habek razıdır ki, işə götürmə ailə vəziyyəti, xəstəlik və ya uşaq baxımı ehtiyacları ilə çətinləşə bilər.

"Amma ümumiyyətlə, hər kəsin işləməsi daha yaxşıdır - insanlar üçün, insanların inteqrasiyası, sosial sistem üçün daha yaxşıdır", - deyə o bildirib.

Habek həmçinin ukraynalı qaçqınlara müavinətlərin ödənilməsinin mövcud vəziyyətə uyğun olmadığını bildirən Brandenburq federal əyalətinin baş naziri Ditmar Voidkenin mövqeyini də tənqid edib.