ABŞ Haitinin keçmiş prezidentinə qarşı sanksiyalar tətbiq edib

ABŞ Haitinin keçmiş prezidenti Mişel Martelliyə (2011-2016) narkotik qaçaqmalçılığında iştirakına görə sanksiyalar tətbiq edib.

Qarabaginfo.az xəbər verir ki, bu barədə Dövlət Departamentinin mətbuat xidmətinin yaydığı məlumatda deyilir.

Məlumata görə, Haitinin keçmiş lideri narkotiklərin qanunsuz dövriyyəsini asanlaşdırmaq üçün vəzifəsindən sui-istifadə edib və ölkədəki çoxsaylı qruplara maliyyə dəstəyi göstərib.

Dövlət Departamenti qeyd edib ki, bu, Haitidə siyasi qeyri-sabitliyin artmasına və təhlükəsizliyin azalmasına səbəb olub.

Sanksiyalar Martellinin Birləşmiş Ştatlarda aktivlərinin dondurulmasını nəzərdə tutur.