DataLife Engine > Yazdırılabilir versiyon > İran ABŞ-dən Tehranın prezident seçkilərinə müdaxiləsinə dair sübut tələb edib

Birləşmiş Ştatlar İran hakimiyyətinə Tehranın Birləşmiş Ştatlarda keçirilən prezident seçkilərinə müdaxilədə iştirakına dair sübut təqdim etməlidir.

Qarabaginfo.az xəbər verir ki, bu barədə İranın BMT-dəki daimi nümayəndəliyinin bazar ertəsi jurnalistlər üçün yaydığı bəyanatda deyilir.

“Bu cür ittihamların heç bir əsası yoxdur. Əgər ABŞ hökuməti öz iddialarının doğruluğuna səmimiyyətlə inanırsa, o zaman bizə müvafiq sübut təqdim etməlidir”, - bəyanatda deyilir.

Qeyd edək ki, bir müddət öncə Federal Təhqiqatlar Bürosu (FTB), Milli Kəşfiyyat Direktorunun Ofisi və ABŞ İnfrastruktur və Kibertəhlükəsizlik Agentliyinin birgə bəyanatında Vaşinqton tərəfi İranın ABŞ-da keçirilən prezident seçkilərinə müdaxilə etməyə cəhd etdiyini iddia etmişdi.