Sobyanin: Moskva səması PUA hücumlarından etibarlı qorunur

Moskva səması pilotsuz uçuş aparatlarının hücumlarından etibarlı şəkildə qorunur.

Qarabaginfo.az TASS-a istinadən xəbər verir ki, bunu Moskva meri Sergey Sobyanin X Ümumrusiya Gənclərinin “Mənaların ərazisi” Təhsil Forumunda çıxışı zamanı deyib.

“Moskva pilotsuz uçan aparatların hücumlarına məruz qalan ilk şəhərlərdən olub. PUA-lar hökumət binalarına, yaşayış binalarına, hətta Kremlə də zərbə vururdu. Müdafiə Nazirliyi ilə birlikdə görülən böyük iş sayəsində bu gün Moskva səması, bəlkə də, digər şəhərlərə nisbətən daha etibarlı qorunur. Hücumlar bir gün dayanmasa da, bir il ərzində şəhər ərazisinə bir dəfə də olsun zərbə endirilməyib", - o dedi.

Sobyanin qeyd edib ki, bundan əlavə, Moskva qüvvələri Luqanskdan, Donetskdən və “cənubdan” müdafiə strukturlarının üçdə birini tikib. Merin sözlərinə görə, Moskvada sənayenin üçdə biri hərbi sənaye kompleksi müəssisələrindən ibarətdir.