Qətər, Misir və ABŞ İsrail və HƏMAS-ı atəşkəs danışıqlarını bərpa etməyə çağırıb

Misir, Qətər və ABŞ liderləri İsrail və HƏMAS hərəkatını avqustun 15-də Doha və ya Qahirədə Qəzza zolağında atəşkəs danışıqlarını bərpa etməyə çağırıblar.

Qarabaginfo.az xəbər verir ki, bu barədə Qətər əmiri Şeyx Təmim bin Həməd əl-Tani, Misir prezidenti Əbdülfəttah əs-Sisi və ABŞ prezidenti Co Baydenin birgə bəyanatında deyilir.

“Biz hər iki tərəfi 15 avqust Cümə axşamı günü Doha və ya Qahirədə təcili danışıqları bərpa etməyə, qalan boşluqları doldurmağa və heç bir gecikmə olmadan sazişin icrasına başlamağa çağırırıq”, - deyə bəyanatda deyilir.