Olimpiadada 40-dan çox idmançıda koronavirus aşkarlandı

Paris Olimpiadası zamanı 40-dan çox idmançıda koronavirus aşkarlanıb.

Qarabaginfo.az “Sport-Express”ə istinadən xəbər verir ki, bu barədə Ümumdünya Səhiyyə Təşkilatının (ÜST) nümayəndəsi Mariya Fon Kerkov bildirib.

Onun sözlərinə görə, son aylarda bir çox ölkədə COVID-19 hallarında artım müşahidə edilir.

Qeyd edək ki, Paris-2024 Yay-Olimpiya Oyunları iyulun 26-sı başlayıb və avqustun 11-dək davam edəcək.