Pentaqon İsraili dəstəkləmək üçün Yaxın Şərqdəki qüvvələri yenidən formalaşdırır

ABŞ Müdafiə Nazirliyi gərginliyin artacağı təqdirdə İsrailin müdafiəsinə dəstək vermək üçün Yaxın Şərqdəki qüvvələrini yenidən nizama salacaq.

Qarabaginfo.az xəbər verir ki, bunu jurnalistlər üçün keçirdiyi növbəti brifinqdə Pentaqonun mətbuat katibinin müavini Sabrina Sinq deyib.

“ABŞ-ın Müdafiə Naziri Lloyd Ostin bölgədəki ABŞ qoşunlarının təhlükəsizliyini gücləndirmək, İsrailin müdafiəsinə dəstəyi artırmaq və ABŞ-ın dərhal cavab verməyə hazır olmasını təmin etmək üçün silahlı qüvvələrin düzülüşündə bir sıra dəyişikliklər etmək məqsədilə göstəriş verəcək.”, - deyə Pentaqon rəsmisi bildirib