İtaliya 10 il fasilədən sonra Suriyaya səfir göndərməyi planlaşdırır

İtaliyanın Baş nazirinin müavini və xarici işlər naziri Antonio Tajani ölkəsinin 10 illik fasilədən sonra yenidən Suriyaya səfir göndərməyi planlaşdırdığını açıqlayıb.

Qarabaginfo.az xəbər verir ki, Tajani parlamentdəki çıxışı zamanı İtaliyanın Suriya ilə diplomatik əlaqələri bərpa etmək niyyətində olduğunu bildirib.

Rusiyanın Yaxın Şərqdəki diplomatik səylərinin qarşısını almaq istədiklərini ifadə edən Tajani İtaliyanın 10 illik fasilədən sonra yenidən Suriyaya səfir göndərməyi planlaşdırdığını deyib.

İtaliyanın bu addımı Avropa İttifaqında (Aİ) parçalanmalara səbəb ola biləcək diplomatik addım kimi qiymətləndirilib.