Rusiya Federal Təhlükəsizlik Xidməti keçmiş müdafiə nazirinin müavini – ordu generalı Dmitri Bulqakovu korrupsiya ittihamı ilə saxlayıb.
Qarabaginfo.az xəbər verir ki, bu barədə TASS-a FTX-dan məlumat verilib.
Bildirilib ki, general tutularaq Moskvadakı Butırka istintaq təcridxanasına yerləşdirilib və onunla bağlı istintaq hərəkətləri aparılır.
Bulqakov Müdafiə Nazirliyində ordunun maddi-texniki təminatına cavabdeh idi. 2022-ci ilin sentyabrında o, başqa işə keçməsi ilə əlaqədar nazir müavini vəzifəsindən azad edilib. Onu bu vəzifədə əvvəllər Rusiya Milli Müdafiə İdarəetmə Mərkəzinin rəisi vəzifəsində çalışmış general-polkovnik Mixail Mizintsev əvəzləyib.