ABŞ-ın keçmiş prezidenti Barak Obama 2024-cü il prezident seçkilərində iştirakdan imtina edən prezident Co Baydeni dəstəklədiyini bildirib. Obama onu “ən yüksək səviyyəli vətənpərvər” adlandırıb.
Qarabaginfo.az xəbər verir ki, bununla bağlı Barak və Mişel Obamanın ofisi bəyanat yayıb.
“Mən bilirəm ki, Co döyüşdən heç vaxt geri çəkilməyib. Onun siyasi mənzərəyə nəzər salması və məşəli yeni namizədə ötürmək qərarına gəlməsi, şübhəsiz ki, həyatının ən çətin qərarlarından biridir. Amma bilirəm ki, Amerika üçün doğru olduğuna inanmasaydı, o, bu qərarı verməzdi. Bu, Co Baydenin əsl dövlət qulluqçusu kimi Amerika xalqının maraqlarını öz maraqlarından üstün tutmasının tarixi nümunəsidir” -deyə Obama bildirib.
Obama Demokrat Partiyasının avqustda keçiriləcək qurultayında partiyanın görkəmli namizəd meydana çıxara biləcəyinə inandığını qeyd edib.