Erməni general: "Ordunun transformasiyasında NATO ilə əməkdaşlıq vacibdir"

İyunun 11-də Ermənistan Silahlı Qüvvələrinin Baş Qərargah rəisinin müavini general-mayor Artur Yeroyan videobağlantı vasitəsilə NATO Hərbi Komitəsinin Baş Qərargah rəisləri formatında keçirilən iclasında iştirak edib.

Qarabaginfo.az Ermənistan Müdafiə Nazirliyinə istinadən xəbər verir ki, görüşün məqsədi beynəlxalq və regional aktual məsələlərin, habelə NATO ilə tərəfdaş ölkələr arasında əməkdaşlıq məsələlərinin müzakirəsi olub.

General-mayor Yeroyan çıxışında Ermənistan Respublikasının müdafiə sektorunun transformasiyasında NATO ilə əməkdaşlığın vacibliyini vurğulayıb və NATO-nun himayəsi altında sülhməramlı missiyalarda davamlı iştiraka sadiqliyini təsdiq edib.