Dövlət Uşaq Filarmoniyası Uşaqların Beynəlxalq Müdafiəsi Gününə həsr olunmuş konsert proqramı ilə çıxış edib

Dövlət Uşaq Filarmoniyası Azərbaycan Dövlət Milli Gənc Tamaşaçılar Teatrında “Sülh göyərçinləri” adlı konsert proqramı ilə çıxış edib.

Mədəniyyət Nazirliyindən Qarabaginfo.az-a verilən xəbərə görə, proqramda Dövlət Uşaq Filarmoniyasının qız və oğlanlardan ibarət rəqs ansamblı, “Şəms” uşaq xoru, “Güləbətin” vokal ansamblı, “Musiqili uşaq teatrı” maraqlı nömrələri ilə balaca dostlarının bayramını təbrik edib. Rəngarəng səhnə geyimləri, maraqlı çıxışlar bir-biri ilə əsl harmoniya təşkil edib.

Konsertin sonunda “Qoruyaq uşaqları” mahnısı ilə bütün iştirakçılar səhnəyə çıxıb.