Makron təhlükəsizlik qüvvələrinin Yeni Kaledoniyada qalmaqda davam edəcəyini açıqlayıb

Fransa polisi və jandarm qüvvələri lazım olduğu qədər Yeni Kaledoniya ərazisində qalacaq.

Qarabaginfo.az “France24“ə istinadən məlumatına görə, bunu regiona səfər edən Fransa Prezidenti Emmanuel Makron deyib.

O vurğulayıb ki, yaxın günlərdə regionda təhlükəsizlik qüvvələrinin sayı 3 min nəfərə çatdırılacaq.

Makronun sözlərinə görə, əsas məqsəd bölgədə ictimai asayişin bərpası, xüsusilə də Parisdə keçiriləcək Olimpiya və Paralimpiya oyunları zamanı baş verə biləcək insidentin qarşısını almaqdan ibarətdir.