MM-də Madagiz kəndinin Suqovuşan adlandırılması ilə bağlı layihə qəbul edilib

Azərbaycan Respublikasının Tərtər rayonunun Madagiz kəndi Suqovuşan adlandırılacaq.

Qarabaginfo.az-ın məlumatına görə, Milli Məclisin bu gün keçirilən iclasında “Tərtər rayonunun Madagiz kəndinin Suqovuşan kəndi adlandırılması haqqında” qanun layihəsi müzakirəyə çıxarılıb.

Layihəyə əsasən, Azərbaycan Respublikasının Tərtər rayonunun Çaylı kənd inzibati ərazi dairəsi tərkibindəki Madagiz kəndi Suqovuşan adlandırılması təklif olunub.

Qanun layihəsi səsə qoyularaq, bir oxunuşda qəbul edilib.