Daha bir universitetdə SABAH qrupları açılacaq

Sumqayıt Dövlət Universitetində SABAH qruplarının açılması gözlənilir.

 

Qarabaqinfo.az-ın məlumatına görə, bu barədə Elm və Ali Təhsil üzrə Dövlət Agentliyinin direktoru Ülkər Səttarovanın “Azərbaycan müəllimi”nə müsahibəsində bildirib.

 

O qeyd edib ki, planda SABAH qruplarının əhatə dairəsinin genişləndirilməsi də var.

 

"Bir sıra qərarlar artıq qəbul olunub, elanlar da verilir. Yeni magistratura proqramları, yeni ixtisaslar haqqında da düşünürük. Bu, bizim üçün çox vacib, məhsuldar bir layihədir. Layihənin digər maraqlı tərəfi də budur ki, bir yerdə dayanmır. Canlı orqanizm kimi hərəkətdədir, görürük ki, transformasiya edir. Bunun özü də çox müsbət təcrübədir. Məsələn, incəsənət sahəsində olan qruplarda çox maraqlı insanlar görürük. Maraqlı layihələr təqdim edirlər. SABAH qruplarının məzunlarının müxtəlif müsabiqələrdə yaxşı yerlər tutduğunu müşahidə edirik. Məsələn, yenicə Naxçıvan Dövlət Universitetində tibb ixtisası üzrə SABAH qrupu açıldı. Layihə həm də çox rəngarəngdir. Onun olduğu kimi qalacağını gözləmək doğru deyil. Layihə öz yolunu, öz istiqamətini tutub və daim yeniliklər baş verir", - direktor qeyd edib.

 

Ülkər Səttarova Qarabağ Universitetinin də SABAH ilə əlaqələndiriləcəyini istina etməyib.