İsveç Ukraynaya qoşun göndərmək məsələsini nəzərdən keçirə bilər

İsveç hazırda Ukraynaya hərbi personal göndərmək fikrində deyil, lakin NATO üzvü olan ölkələr bu məsələdə razılığa gələrsə, bunu nəzərdən keçirə bilər.

Qarabaginfo.az “Breaking Defence” nəşrinə istinadən xəbər verir ki, bu barədə İsveçin müdafiə naziri Pol Conson jurnalistlərə bildirib.

“Anladığım qədərilə bu ilin əvvəlində Paris sammitində görüşən ölkələr arasında bununla bağlı (Ukraynaya hərbi personal göndərmək - Red.) ortaq mövqe yox idi. Hazırda konkret təklif yoxdur. Konkret bir təklif olsa, onu nəzərdən keçirə bilərik”, - nazir qeyd edib.