Salam Sarvan yenidən xəstəxanaya yerləşdirilib, əməliyyat olunacaq

Şair Salam Sarvan yenidən xəstəxanaya yerləşdirilib, sabah əməliyyat olunacaq.

Bu barədə Qarabaginfo.az-a şair özü məlumat verib.

Onun sözlərinə görə, bir neçə gün öncə yenidən müayinə edilib.

"Buna qədər belə hesab edilirdi ki, əməliyyat risklidir. Kimya-terapiya müalicəsi daha məqsədəuyğun hesab edilmişdi. Amma bu müayinə onu deməyə əsas verdi ki, mənim yenidən əməliyyat şansım var. Xəstəxanadayam. Sabah, yəqin ki, əməliyyat ediləcəyəm".