Rusiya XİN: Ukrayna ilə bağlı danışıqlar başlasa da hərbi əməliyyatlara fasilə verilməyəcək

“Biz həmişə danışıqları döyüşlərdən və müharibələrdən üstün tuturuq”.

Qarabaginfo.az xəbər verir ki, bunu Rusiya xarici işlər naziri Sergey Lavrov yerli KİV-ə müsahibəsində deyib.

Danışıqların hər zaman üstünlük verilən variant olduğunu söyləyən Rusiya XİN başçısı Ukrayna ilə Belarus və İstanbulda keçirilən görüşləri xatırladıb.

Lavrov qeyd edib ki, Ukrayna üzrə danışıqlar başlasa, Rusiya hərbi əməliyyatları dayandırmayacaq: "Kiyevə inam yoxdur, Rusiya Ukrayna ilə bağlı danışıqlar başlasa, hərbi əməliyyatlarda fasilə verməyəcək".

O, Rusiyanın bu gün Ukraynada xüsusi hərbi əməliyyatın davam etdirilməsinin zəruriliyinə tam əmin olduğunu vurğulayıb.