“Aİ-nin hazırkı rəhbərliyi istefa verməlidir” - Orban

“Avropa İttifaqının hazırkı rəhbərliyi istefa verməlidir”.

Qarabaginfo.az “Reuters”ə istinadən xəbər verir ki, bu sözləri Macarıstanın Baş naziri Viktor Orban deyib:

“Bir neçə böyük layihəsi olan Aİ-nin rəhbərliyi uğursuzluqla üzləşdi. Hazırkı rəhbərlik getməlidir, bizə yeni liderlər lazımdır”.

Baş nazir Avropa Komissiyasının rəhbəri Ursula fon der Lyayenin Macarıstanın miqrasiya və gender siyasətinə görə Aİ-dən pul almayacağı barədə bəyanatını yada salıb.

Bildirib ki, Aİ-nin yaratdığı qanunun aliliyi və konvensiyalar sistemi siyasi şantaj alətinə çevrilib.