861 min nəfərin şəxsiyyətini təsdiq edən sənədi yoxdur - Gürcüstanda

Gürcüstanda demək olar ki, 861 min nəfərin şəxsiyyətini təsdiq edən sənədi yoxdur.

 

Qarabaqinfo.az Gürcüstan mətbuatına istinadən xəbər verir ki, bu barədə ölkənin Dövlət Xidmətlərinin İnkişafı Agentliyi deputat sorğusuna cavab olaraq bildirib.

 

Qeyd olunub ki, onlardan 691 mini yetkinlik yaşına çatmayanlar, 170 mini isə böyüklərdir.

 

Cəmi 3,1 milyon insanın etibarlı elektron şəxsiyyət vəsiqəsi var. Yalnız pasportu olanlar 402 min, qeyri-elektron şəxsiyyət vəsiqəsi olanlar 210 min nəfərdir.