Qızılcaya görə məktəblərin bağlanması gündəmdə deyil - NAZİR

Ümumi təhsil müəssisələrində qızılca xəstəliyinə yoluxma kütləvi xarakter daşımır və məktəblərin bağlanması gündəmdə deyil.

Qarabaqinfo.az xəbər verir ki, bunu elm və təhsil naziri Emin Əmrullayev media nümayəndələri üçün keçirilən brifinqdə deyib.

"Valideynlərə hər zaman məsləhət görülür ki, övladları mövsümi xəstəliklərə və virus infeksiyalarına yoluxduğu halda, tam sağalanadək digər uşaqlarla yaxın təmasda olmasınlar. Övladlarınızın peyvənd olunmasını tövsiyə edirik"- o deyib.

 

Nazir bildirib ki, son aylar ərzində ümumi təhsil müəssisələrində qızılca xəstəliyinə yoluxma ciddi izlənilir.