ABŞ öz əsgərlərini Ukraynada döyüşməyə göndərməyəcək - Miller

ABŞ öz əsgərlərini Ukraynada döyüşməyə göndərməyəcək.
Qarabaginfo.az xəbər verir ki, bunu barədə ABŞ Dövlət Departamentinin sözçüsü Metyu Miller bildirib. “Amerikanın səsi”nin məlumatına görə, jurnalistin “Fransa prezidentinin NATO qoşunlarının Ukraynadakı döyüşlərdə potensial iştirakı ilə bağlı bəyanatını necə şərh edərdiniz”  sualına Miller mənfi cavab verib.

“Prezident Bayden açıq şəkildə bildirdi ki, o, Amerika əsgərlərini Ukraynaya döyüşməyə göndərməyəcək... İndi vəziyyət son dərəcə ciddidir. Biz Ukraynanın irəli qüvvələrinin Rusiyanın təcavüzünü dəf etmək üçün kifayət qədər sursata malik olmadığını gördük. Onlar hələ də cəsarətlə mübarizə aparırlar. Onlar cəsarətlə mübarizəni davam etdirirlər. Onların hələ də istifadə edə biləcəkləri zireh, silah və sursat var, lakin indi onu qoruyub saxlamalıdırlar, çünki Konqres onları maliyyələşdirməklə bağlı heç bir tədbir görməyib”, - Miller bildirib.

“Buna görə də biz gözləyirik ki, bu il ərzində Ukrayna qoşunları Qara dənizdə olduğu kimi cəsarətlə döyüşməyə və uğur qazanmağa davam edəcək. Ancaq ehtiyac duyduqları sursata çıxışları olmasa, onlar üçün daha çətin olacaq, ona görə də prezident (Bayden) Konqresi hərəkətə keçməyə çağırmağa davam edir”.

Miller təklif edib ki, “Əgər Nümayəndələr Palatasında Ukraynaya yardım məsələsi ilə bağlı birbaşa səsvermə keçirilsəydi, o, keçərdi. Ona görə də biz yenidən Konqresi üzərinə düşən vəzifəni yerinə yetirməyə, bu səsverməni keçirməyə və Ukrayna hərbçilərinə lazımi yardımı göstərməyə çağırırıq”.