Ana Sayfa > Karusel / Kriminal > Şirkətin satış müdirinə 147 min manatlıq mənimsəmə ilə bağlı cinayət işi başlanıb
Şirkətin satış müdirinə 147 min manatlıq mənimsəmə ilə bağlı cinayət işi başlanıb22-02-2024, 17:27. Yazar: Admin |
“Best-Tarım” Qapalı Səhmdar Cəmiyyətinə məxsus külli miqdarda pul vəsaitinin mənimsənilməsinə dair müraciət əsasında Sabirabad rayon prokurorluğunda araşdırma aparılıb. Sabirabad rayon prokurorluğundan Qarabaginfo.az-a verilən məlumata görə, araşdırmalarla QSC-nin satış müdiri Anar Babaşovun qeyriləri ilə birgə 2023-cü il ərzində anbardan müxtəlif qida məhsullarını məxaric edib malların dəyərini xəzinəyə mədaxil etməməsi nəticəsində 147 min manatdan artıq pul vəsaitini mənimsəmələrinə əsaslı şübhələr müəyyən edilib. Fakta görə Cinayət Məcəlləsinin 179.3.2-ci (külli miqdarda mənimsəmə və ya israf etmə) maddəsi ilə cinayət işi başlanıb. Hazırda iş üzrə istintaq davam etdirilir. Geri dön |