Putinin daha bir rəqibi seçkidən geri çəkildi

Rusiyada “Azadlıq və Ədalət” partiyasından prezidentliyə namizəd Andrey Boqdanov seçkilərdə iştirak etməyəcəyini açıqlayıb.

Qarabaginfo.az TASS-a istinadən xəbər verir ki, Boqdanov namizədlikdən geri çəkilməsi ilə bağlı Rusiyanın Mərkəzi Seçki Komissiyasına ərizə təqdim edib. 

Xatırladaq ki, yanvarın 30-u “Rusiya Ümumxalq İttifaqı” partiyasının lideri Sergey Baburin də prezident seçkilərində namizədliyini geri götürüb. 

Rusiyada prezident seçkiləri martın 15-dən 17-nə qədər keçiriləcək.