Rusiyanın İstanbuldakı baş konsulluğu Türkiyə DİN-ə müraciət edib

Rusiyanın İstanbuldakı Baş Konsulluğu Türkiyənin Daxili İşlər Nazirliyindən katolik kilsəsinə hücumla bağlı saxlanılan rusiyalı haqqında məlumat istəyib.

 

Qarabaqinfo.az xəbər verir ki, bu barədə diplomatik nümayəndəlikdən TASS-a bildirilib.

 

“Biz Daxili İşlər Nazirliyinə müraciət etdik. Cavab gözləyirik... Onun şəxsiyyəti ilə bağlı məlumatlar dəqiqləşdirilir, konsulluq əməkdaşının onunla əlaqə saxlaması xahiş olunur”, - Baş Konsulluğun nümayəndəsi agentliyə bildirib.

 

Kilsəyə hücum dünən baş verib. KİV-in məlumatına görə, səhər saatlarında maskalı iki nəfər kilsəyə yaxınlaşaraq atəş açıb, nəticədə bir nəfər ölüb.

 

Türkiyə hüquq-mühafizə orqanları kilsəyə hücumda əli olmaqda şübhəli bilinən 47 nəfəri saxlayıb. Hücumun özündə Rusiya və Tacikistan vətəndaşları şübhəli bilinir. Onların İŞİD terror təşkilatı üzvləri olduğu bildirilir.