Yaponiyaya məxsus cihaz Aydan fotolar ötürüb

Yaponiya cihazı Aydan ilk fotonu ötürüb.

 

Qarabaqinfo.az xəbər verir ki, şəkillər SLIM tədqiqat modulu tərəfindən çəkilib və Yaponiya Aerokosmik Kəşfiyyat Agentliyi (JAXA) tərəfindən dərc edilib.

 

Aparat yanvarın 20-də verilmiş nöqtədən cəmi 55 metr kənara çıxaraq yerin peykinə enib. Bu foto modulun göyərtəsində olan mini-robot tərəfindən çəkilib.

 

Yaponiya Yer peykinin səthinə kosmik gəmi endirən beşinci ölkə olub. Əvvəllər buna Sovet İttifaqı, ABŞ, Çin və Hindistan nail olub. Rusiyanın "Luna 25" zondu 2023-cü il avqustun sonunda Aya enməyə cəhd edərkən qəzaya uğrayıb.