“190 manatı versinlər, evimizi satası deyilik”

Pandemiya üzündən maddi durumu pisləşən sənətçilər son vaxtlar evlərini, maşınlarını satışa çıxarmağa başlayıblar. Gəlir yerləri olmayan müğənni Xuraman Şuşalı Qaraçuxurdakı evini, Xalq artisti Brilliant Dadaşova bağ evini və maşınını, idmançı Kamil Zeynallı, meyxanaçı Samirə Yusifqızı  evini satışa çıxarıb.

Qarabaginfo.az xəbər verir ki, müğənni Maral Tahirqızı da pulsuzluqdan gileylənib. Sosial şəbəkə hesabından müraciət edən Tahirqızı  avqust ayında verilən 190 manatın kartına köçürülməsini tələb edib:

“Mən çox sadə, səmimi? həm də prinsipial xanımam. Qayda-qanunu sevirəm. Əgər avqust ayının 190 manatlar verilibsə, xahiş edirəm, mən şikayət etmədən onu kartıma köçürsünlər. 190 manatı versinlər, evimizi satası deyilik.  Villaları olanlara verməsinlər”.Yenisabah