Adil Əliyev Moldovada prezident seçkilərində MDB PA-nın müşahidə qrupuna rəhbərlik edəcək
21-09-2020, 11:40. Yazar: Admin
Milli Məclisin təklifi və MDB Parlamentlərarası Assambleya (PA) Şurasının sədri, Rusiya Federasiya Şurasının Sədri Valentina Matkiyenkonun imzaladığı müvafiq əmrlə Milli Məclis Sədrinin müavini Adil Əliyev Moldovada prezident seçkilərində MDB PA-nın müşahidə qrupunun rəhbəri təyin edilib.
Qarabaginfo.az xəbər verir ki, MDB Parlamentlərarası Assambleyası Şurasının Katibliyinin mətbuat xidmətindən verilən məlumata görə, hazırda MDB PA-ya üzv ölkələrin nümayəndələrindən ibarət müşahidə qrupunun formalaşdırılması prosesi davam edir.
Xatırladaq ki, Moldovada prezident seçkiləri noyabrın 1-də keçiriləcək. Moldova Mərkəzi Seçki Komissiyasının məlumatına əsasən, prezident seçkilərində iştirak üçün 13 namizəd qeydə alınıb.
Geri dön