Premyer Liqada bəzi oyunların vaxtı dəyişdirildi

Azərbaycan Premyer Liqasının XIV və XVI turunun oyun cədvəlində dəyişiklik edilib.

 

Qarabaqinfo.az Peşəkar Futbol Liqasının rəsmi saytına istinadən xəbər verir ki, iki qarşılaşmanın başlama saatı dəyişdirilib.

 

“Səbail”in ev oyunlarını keçirdiyi “ASCO Arena”nın elektrik təchizatında problem yarandığı klubun müraciəti əsasında “Kəpəz”lə XIV turun görüşü saat 18:30-da deyil, 14:00-da başlayacaq.

 

XVI turun “Zirə” - “Araz Naxçıvan” oyununun startı isə təşkilati məsələlərə görə saat 18:00-dan 17:00-a keçirilib.