ABŞ müdafiə naziri Ukraynada Zelenski ilə görüşüb

Ukraynada səfərdə olan ABŞ müdafiə naziri Lloyd Ostin Prezident Vladimir Zelenski ilə görüşüb.

APA xəbər verir ki, bu barədə ABŞ müdafiə nazirinin "X" hesabında məlumat verilib.

"ABŞ-ın Ukraynaya davamlı dəstəyini bir daha təsdiqləmək üçün bu gün Kiyevdə prezident Zelenski ilə görüşməkdən şərəf duydum. Biz müttəfiqlərimiz və tərəfdaşlarımızla birlikdə Ukraynanın döyüş meydanında təcili ehtiyaclarını və uzunmüddətli müdafiə tələblərini dəstəkləməyə davam edəcəyik", - o bildirib.