Paşinyan: Ermənistan Azərbaycanla sülh müqaviləsini imzalamağa hazırdır

Ermənistan Azərbaycanla sülh müqaviləsini imzalamağa hazırdır.

Qarabaginfo.az xəbər verir ki, bunu Ermənistanın Baş naziri Nikol Paşinyan parlamentdə çıxışı zamanı bildirib.

O qeyd edib ki, “İrəvanla Bakı arasında sülh müqaviləsinin imzalanmasına tərəflər arasında etimadın olmaması mane olur, məhz bu faktor dialoqu ləngidir və tərəfləri sülh sazişi layihəsinin müddəalarını dəfələrlə müzakirə etməyə məcbur edir”.

Baş nazir qeyd edib ki, Ermənistan hakimiyyəti prosesi və diplomatik fəaliyyəti gücləndirmək niyyətindədir.

 

Hökumət başçısı onu da əlavə edib ki, sülh sazişi layihəsinin əsas prinsipləri tərəflər arasında razılaşdırılıb.

Xatırladaq ki, bir müddət öncə Ermənistan Baş nazirinin sözlərinə əsasən, İrəvanla Bakı arasında sülh sazişi layihəsinin razılaşdırılan əsas müddəaları arasında bir-birinin ərazi bütövlüyünün qarşılıqlı tanınması, Alma-Ata Bəyannaməsi əsasında delimitasiya prosesinin həyata keçirilməsi, regional kommunikasiyaların, onların keçdiyi ölkələrin suverenliyi və ərazi bütövlüyü çərçivəsində, həmçinin bərabərlik və qarşılıqlılıq prinsipləri əsasında açılması yer alıb.