Rusiya prezidenti Vladimir Putin Nüvə Sınaqlarının Hərtərəfli Qadağan edilməsi Müqaviləsi ratifikasiyasını ləğv edən qanunu imzalayıb.
Qarabaginfo.az xəbər verir ki, sənəd hüquqi aktların rəsmi portalında dərc olunub.
Bu, 1996-cı ildə qəbul edilmiş və Nyu-Yorkda Rusiya adından imzalanmış “Nüvə sınaqlarının hərtərəfli qadağan edilməsi haqqında Müqavilənin ratifikasiyası haqqında” Qanunun 1-ci maddəsini ləğv edir.
Qanun layihəsinin müəllifləri Rusiya Dumasının demək olar ki, bütün deputatları (450 nəfərdən 438-i), o cümlədən spiker Vyaçeslav Volodin və parlament fraksiyalarının rəhbərləri olub.
Prezidentin sözçüsü Dmitri Peskov bildirib ki, sənədin ratifikasiyasını geri götürməzdən əvvəl ABŞ-la təmaslar tələb olunmur. Kreml nüvə sınaqları keçirməyi planlaşdırmadığını da əlavə edib.