DataLife Engine > Yazdırılabilir versiyon > Ermənistan DİN Qarabağdan gələn erməni sakinlərə silahları təhvil verməyə çağırıb

Ermənistanın daxili işlər naziri Vahe Qazaryan Azərbaycanın Qarabağ bölgəsindən bu ölkəyə getmiş erməni sakinləri özləri ilə gətirdikləri odlu silahları təslim etməyə çağırıb.

Qarabaginfo.az “Sputnik Armenia”ya istinadən xəbər verir ki, parlamentdə çıxış edən Qazaryan qeyd edib ki, Azərbaycanın Qarabağ bölgəsindən Ermənistana müəyyən miqdarda silah və sursat daşınıb.

Nazir bildirib ki, silahların könüllü təhvil verilməsi halları var: “Belə ki, üç gün ərzində 4 avtomat və üç hamar lüləli odlu silah təhvil verilib”.

Onun sözlərinə görə, hüquq-mühafizə orqanları mütəmadi olaraq vətəndaşlarla izahat işləri aparır, onları silahlarını könüllü təhvil verməyə çağırır.