Rusiya "Azadlıq Radiosu" tatar-başqırd xidmətinin redaktorunu həbs etdi

Rusiyada "Azadlıq Radiosu"nun redaktoru Alsu Kurmaşevanı ailə vəziyyəti ilə bağlı Rusiyaya səfər edərkən "xarici agent" kimi qeydiyyatdan keçmədiyinə görə saxlanılıb.

 

Qarabaginfo.az "Reuters"ə istinadən xəbər verir ki, Rusiya Ukrayna ilə müharibəyə başlayandan bəri media üzərində nəzarəti gücləndirib. 

 

Belə ki, aparıcı müstəqil xəbər agentlikləri bağlanmağa məcbur edilib və bir çox jurnalist və nəşrlər “xarici agent” elan olunub.

 

Müharibədən və "Wall Street Journal"ın müxbiri Evan Gerşkoviçin mart ayında casusluq ittihamı ilə həbsindən sonra, demək olar ki, bütün ABŞ jurnalistləri Rusiyanı tərk edib. Dövlət Departamenti dəfələrlə ABŞ vətəndaşlarını Rusiyanı tərk etməyə çağırıb.

 

"Azadlıq Radiosu"nun Tatar-Başqırd Xidmətinin redaktoru, həm ABŞ, həm də Rusiya pasportlarına malik Alsu Kurmaşeva mayın 20-də ailəsi ilə bağlı Rusiyaya gedib. Kurmaşeva həmin səfərin sonunda Rusiyanı tərk etmək istəyərkən saxlanılıb və pasportları müsadirə olunub. O, ABŞ pasportunu Rusiya hakimiyyət orqanlarında qeydiyyatdan keçirmədiyi üçün cərimələnib.

 

Rusiya hakimiyyəti oktyabrın 18-də Praqada fəaliyyət göstərən Kurmaşevanın “xarici agent kimi qeydiyyatdan keçməməkdə” ittiham edildiyini açıqlayıb.

 

Qeyd olunub ki, Soyuq Müharibənin casusluq təzahürlərini daşıyan bu termin Rusiyada xaricdən dəstək alaraq siyasi fəaliyyətlə məşğul olduğu hesab edilən təşkilatları, jurnalistləri, fəalları və hətta pop-ulduzları və yazıçıları yarlıqlamaq üçün istifadə olunur.