Şoyqu Bakının formatına sadiqliyini təsdiqlədi

Rusiyanın müdafiə naziri Sergey Şoyqu iranlı həmkarı Məhəmməd Rza Aştiani ilə danışıqlar zamanı Cənubi Qafqazda “3+3” formatında əməkdaşlığa sadiqliyini təsdiqləyib.

Qarabaginfo.az xəbər verir ki, bu barədə “Tasnim” agentliyi məlumat yayıb.

Şoyqunun sözlərinə görə, “3+3” formatı Qafqaz regionunda problemlərin sülh yolu ilə həlli üçün ən yaxşı yoldur.

Rusiya müdafiə naziri Qafqazda baş verən son hadisələrlə bağlı İranın mövqeyini dəstəkləyib və üçüncü ölkələrin regionda olmasını tənqid edib.

Məhəmməd Rza Aştiani də qeyd edib ki, Qafqaz regionu ölkələrinin ərazi bütövlüyünü qorumaq İran üçün qırmızı xətlərdən biridir.

O, həmçinin Rusiya ilə, o cümlədən Yaxın Şərqdə terrorizmə qarşı mübarizə sahəsində uğurlu əməkdaşlıq təcrübəsini yüksək qiymətləndirib.

Qeyd edək ki, “3+3” – Azərbaycan-Gürcüstan-Ermənistan və Türkiyə-Rusiya-İran formatı Bakının təklifidir.